Aksidentohet një mjet në rrugën e fshatit Melan në Dibër.
Makina ka dalë nga rruga dhe është batuar disa metra duke përfunduar buzë përroit. Ngjarja ndodhi disa metra në afërsi të rrugës nacionale. Nga aksidenti ka humbur jetën pasagjeri 20 vjeç.
Është konfirmuar se në makinë kanë qenë 2 persona. Mësohet se ka humbur jetën pasagjeri, ndërsa shoferi është ndaluar nga policia.
Burime nga policia bënë me dije se shoferi nuk ka pësuar dëmtime.
“Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga.
Si pasoje e aksidentit ka humbur jetën pasagjeri shtetasi A.S., 20 vjeç.
Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit”, njofton policia.
Discussion about this post