Një aksident i rëndë ka ndodhur para pak minutash në aksin rrugor Kullë-Manëz, afro 20 km larg Durrësit. Burime nga vendngjarja bëjnë të ditur se një këmbësor ka humbur jetën, pasi është përplasur nga një autoveturë tip Opel Corsa.
Mësohet se viktima me iniciale S.A është i moshës rreth 65 vjeç dhe aktualisht gjendet në morgun e spitalit rajonal Durrës.
Mbeten të paqarta rrethanat e aksidentit, por pas njoftimit për ngjarjen, efektivët e policisë së qarkullimit rrugor kanë shkuar në vendngjarje.
Drejtuesi i mjetit të përfshirë në aksident është shoqëruar dhe po merret në pyetje për sqarimin e rrethanave të ngjarjes.
“Në segmentin rrugor Manzë-Kthesa e Ariut, një automjet me drejtues shtetasin M. J. ka përplasur këmbësorin shtetasin S. A, rreth 65 vjeç, i cili ka humbur jetën në vendngjarje. Shërbimet e Policisë kanë bërë arrestimin në flagrancë të shtetasit M. H. Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit”, njoftoi policia.
Discussion about this post