Një aksident ka ndodhur disa minuta më parë në qendër të qytetit të Elbasanit, pranë stadiumit “Elbasan Arena”.
Sipas burimeve, mësohet se të lënduar kanë mbetur dy këmbësorë. Bëhet fjalë për një të mitur dhe për babain e tij të cilët kanë qenë duke ecur. E lënduar ka mbetur edhe një grua që ishte pasagjere në mjetin tip Volkswagen.
Dyshohet se shkaku i aksidentit mund të ketë qenë shpejtësia e lartë në zona të banuara. Policia ndodhet në vendngjarje dhe po punon për rrethanat, ndërsa gjithashtu pritet një njoftim zyrtar.
Kujtojmë se, aksidentet rrugore ditët e fundit janë shtuar pasi shoferët vijojnë të thyejnë sinjalistikat rrugore, duke shkaktuar aksidente, jo pak herë fatale.
