Një aksident ka ndodhur mbrëmjen e sotme në aksin rrugor Elbasan-Librazhd, në afërsi të Urës së Lizës. Një makinë ka përplasur punonjësin e pastrimit të rrugës.
Drejtuesi i mjetit ka qenë në gjendje të dehur. I plagosuri është transportuar menjëherë në spital për ndihmë mjekësore.
Policia ndodhet në vendngjarje për të zbardhur detajet e aksidentit.
Njoftimi:
Elbasan/Informacion paraprak
Në aksin rrugor Elbasan-Librazhd, në fshatin Mengel, shtetasi M. Z., 70 vjeç, banues në Elbasan, duke drejtuar mjetin tip “Benz “, ka humbur kontrollin mbi drejtimin e tij dhe ka goditur mjetin tip “Reno” ( mjet për pastrimin e plehrave) me drejtues shtetasin V.P., 56 vjeç, banues në Elbasan.
Si pasojë e përplasjes, është dëmtuar një punonjës që ndodhej në mjetin e pastrimit, shtetasi A.K., rreth 50 vjeç, banues në Elbasan si dhe pasagjeri i mjetit tip “Benz”, shtetasi M.Xh., 65 vjeç, banues në Elbasan, të cilët ndodhen në spital nën kujdesin e mjekëve.
Grupi hetimor në vendngjarje vazhdon hetimet për zbardhjen e plotë të rrethanave të aksidentit.
Discussion about this post