Aksident në Elbasan, vdes shtetasi 58-vjeçar nga Peqini

Një aksident i rëndë ka ndodhur në aksin rrugor Elbasan-Peqin, ku një automjet ka përplasur një karrocë duke i marrë jetën një shtetasi 58-vjeçar.

Personi që ka humbur jetën është shtetasi F. Z., banues në Peqin.

Njoftimi i Policisë:

Elbasan/ Informacion paraprak

Rreth orës 21:30, në aksin rrugor Elbasan-Peqin, në fshatin Përparim, automjeti me drejtues shtetasin N. Xh., 20 vjeç, është përplasur me karrocën e tërhequr nga një kafshë dore (kalë).

Si pasojë e përplasjes ka humbur jetën shtetasi F. Z., 58 vjeç, banues në Peqin që drejtonte karrocën.

Drejtuesi automjetit u shoqërua në Komisariatin e Policisë, për veprime të mëtejshme.

Grupi hetimor ndodhet në vendngjarje dhe po punon për përcaktimin e shkakut të aksidentit.