Aksident në fabrikën e vajit në Tiranë, një person humb jetën

Një person ka humbur jetën këtë të enjte pas një incidenti të ndodhur në periferi të Tiranës, në një fabrikë për prodhimin e vajit të ullirit.

Policia njoftoi se “në fshatin Barbas, Petrelë, shtetasi M.P., rreth 65 vjeç, dyshohet se aksidentalisht ka dëmtuar dorën në makineri në një fabrikë për prodhimin e vajit të ullirit në pronësi të shtetasit Xh.H, dhe si pasojë ka humbur jetën”.

Grupi hetimor po punon për dokumentimin e rrethanave të rastit, shtuan të njëjtat burime.

Policia nuk saktëson nëse viktima ishte punëtor në fabrikë ose jo dhe rrethanat se pse ndodhej aty, si dhe nuk jep të tjera detaje për rastin.