Aksident në Fier, makina përplas kalimtarin që po lëviste me biçikletë

Aksident në Fier, makina përplas kalimtarin që po lëviste me biçikletë

Një aksident rrugor është regjistruar mëngjesin e sotëm në unazën e qytetit të Fierit.

Një automjet tip “Benz”, që po lëvizte nga rrethrrotullimi i ish-parkut të automjeteve në drejtim të rrugës së Levanit, ka përplasur një qytetar që po udhëtonte me biçikletë.

Si pasojë e goditjes, biçiklisti ka mbetur i plagosur dhe është transportuar menjëherë drejt urgjencës së spitalit rajonal të Fierit, ku po merr ndihmën e parë mjekësore.

Ende nuk ka informacion zyrtar për gjendjen e tij shëndetësore.

Policia dhe grupi hetimor mbërritën në vendngjarje dhe po punojnë për sqarimin e plotë të rrethanave të aksidentit.