Një aksident ka ndodhur mëngjesin e sotëm në aksin nacional Gjirokastër-Tepelenë, ku një automjet Opel me targa greke me drejtues K.SH. – emigrant në Greqi, ka përplasur Florika Korkutin, 75 vjeçe, banore në Gjirokastër.
Nga përplasja 75-vjeçarja ka ngelur e lënduar rëndë, ndërsa është transportuar menjëherë për në Spitalin e Gjirokastrës për mjekim.
Sipas deklaratës që ka bërë drejtuesi i mjetit, 75-vjeçarja i ka prerë rrugën mjetit dhe shpejtësia me të cilën udhëtonte ka qenë jo më shume se 30 kmh.
Një hetim ka nisur lidhur me rastin.
Discussion about this post