Një aksident rrugor ka ndodhur në afërsi të rrugës Gjirokastër-Tepelenë, pranë Viroit. Një makinë tip Ford është përplasur me një makinë tip Mercrdez Benz.
Përplasja ka qenë gjysmë frontale duke shmangur pasojat fatale nga aksidenti. Sakaq drejtuesit e dy makinave kanë mbetur të lënduar. Dy të lënduarit janë transportuar për në Spitalin e Gjirokastrës për ndihmë mjekësore. Gjendja e tyre shëndetësore është jashtë rrezikut për jetën.
Njoftimi i policisë:
Gjirokastër/ Informacion paraprak
Rreth orës 10:05, në aksin rrugor “Gjirokastër-Tepelenë”, në vendin e quajtur “Virua”, janë përplasur automjeti tip “Benz”, me drejtues shtetasin G. M., 25 vjeç, banues në Memaliaj, dhe automjeti tip “Ford”, me drejtuese shtetasen J. B., 35 vjeçe, banuese në Përmet.
Për pasojë, kanë mbetur të dëmtuar të 2 drejtuesit e automjeteve, të cilët janë transportuar në Spitalin Rajonal Gjirokastër, për të marrë ndihmën mjekësore.
Në vendngjarje ndodhet grupi hetimor, i cili po punon për zbardhjen e shkaqeve të aksidentit.
Discussion about this post