Aksident në Himarë, plagoset turistja franceze. Detajet

Një turiste franceze ka mbetur e plagosur si pasojë e një aksidenti që ka ndodhur pasditen e sotme në vendin e quajtur Llaman në Himarë.

Policia njoftoi se në aksident është përfshirë një automjet që drejtohej nga një shtetase angleze me një motor që drejtohej nga një austriak, ndërsa si pasagjere kishte një shtetase franceze.

Himarë/Informacion paraprak

Rreth orës 17:45, në vendin e quajtur “Llaman”, Himarë, automjeti tip “Volksëagen” me drejtuese shtetasen angleze J. A., 44 vjeçe, është përplasur me motomjetin me drejtues shtetasin austriak F. W., 31 vjeç.

Si pasojë e përplasjes, është dëmtuar në këmbë pasagjerja në motomjet shtetasja franceze P. V., 27 vjeçe, e cila u dërgua për ndihmë mjekësore në spital dhe është jashtë rrezikut për jetën.

Grupi hetimor në drejtimin e  prokurorit ndodhet në vendngjarje dhe po punon për sqarimin e rrethanave, përcaktimin e saktë të shkakut të përplasjes dhe për dokumentimin ligjor të këtij rasti.