Një tjetër jetë e marrë në aksidentet rrugore. “Corriere Della Sera” shkruan se pak pas orës 10 të mëngjesit të sotëm, një kamioni i drejtuar nga një i ri 25-vjeçar shqiptar u përplas me shpejtësi të madhe me një kamion të ndaluar në autostradën A22, në zonën midis komunës Veroneze të Nogarole Rocca dhe zonës së pagesës në Mantoa në veri.
I riu me origjinë shqiptare, i cili jetonte në Piza ka humbur jetën në vend, teksa kabina e kamionit u shtyp totalisht.
U desh ndërhyrja për nxjerrjen e të riut nga kamioni, i cili nuk arriti t’ia dalë pavarësisht përpjekjeve për ta sjellë në jetë.
Sipas të dhënave paraprake, kamioni para kishte qëndruar për shkak të një përplasjeje të shkaktuar në një tjetër aksident.
Një kamion i madh u përmbys rreth orës 6.20 të mëngjesit dhe bllokoi trafikun. Operacionet për lëvizjen e rimorkios zgjatën deri në orën 8:22 të mëngjesit kohë në të cilën një korsi u rihap për të lejuar qarkullimin e trafikut.
Në orën 9:40 ndodhi një tjetër mbyllje, këtë herë për të liruar rrugën nga rimorkio. I tradhtuar nga shiu dhe dukshmëria e dobët, i riu shqiptar nuk ka vënë re makinat e ndaluara dhe ka goditur me gjithë fuqinë në fund të rreshtit.
Discussion about this post