Një aksident është rregjistruar mbrëmjen e sotme rreth orës 21:00 në rrugën “Besim Alla” në Kombinat të Tiranës, ku mësohet se ka ndërruar jetë një këmbësore reth 50-vjeç.
Ajo ka rënë viktimë e një përplasjeje mes dy automjeteve në këtë rrugë që drejtoheshin nga një 39-vjeçar dhe një 32-vjeçare.
Policia ndodhet në vendin e ngjarjes për të zbardhur shkaqet e këtij aksidenti që shkaktoi vdekjen e këmbësores.
Tiranë/Informacion paraprak
Më datë 17.08.2021, rreth orës 21:00, në “Misto Mame”, dyshohet se janë përfshirë në aksident rrugor mjeti me drejtues I. H., 39 vjeç dhe mjeti me drejtuese shtetasen B. G., 32 vjeçe. Si pasojë ka humbur jetën një shtetase këmbësore ende e paidentifikuar, rreth 50 vjeçe.
Grupi hetimor punon për sqarimin e rrethanave të aksidentit.
