Një aksident ka ndodhur në Koplik, të qytetit të Shkodrës. Të plagosur nga aksidenti kanë mbetur burrë dhe grua, të cilët janë dërguar menjherë në spitalin rajonal të Shkodrës dhe ndodhen jashtë rreziku për jetën.
SHKODËR
Burrë e grua kanë mbetur të plagosur në një aksident të ndodhur në Malësi të Madhe. Sipas informacioneve zyrtare, aksidenti ndodhi në vendin e quajtur “Rotondo e Koplikut”, ku një mjet tip “Benz” që drejtohej nga shtetasi A.Z., 24 vjeç banues në Koplik të Sipërm ka përplasur një motoçikletë.
Për pasojë kanë mbetur të dëmtuar drejtuesi i motoçikletës, shtetasi B.H., 76 vjeç dhe bashkëshortja e tij shtetasja T.H., 67 vjeçe banues në Malësi e Madhe, të cilët ndodhen jashtë rrezikut për jetën. Nga Specialistët e Sektorit të Qarkullimit Rrugor u bë arrestimi në flagrancë i 24-vjeçarit A.Z.
