Aksident në Korçë/ Makina përplaset me motorin, lëndohet 1 person

Një aksident ka ndodhur në afërsi të fshatit Sovjan në Korçë. Mësohet se janë përplasur një makinë dhe një motor.

Sipas informacioneve paraprake, dyshohet se drejtuesi i motorrit ka mbetur i dëmtuar. Si pasojë është transportuar drejt spitalit të Korçës, por jashtë rrezikut për jetën.

Drejtuesi i mjetit tip “Opel” ka qenë duke udhëtuar nga Pogradeci në drejtim të Korçës se bashku me familjarët të tij kur një motor që drejtohej nga i moshuari, ka dalë nga një pikë karburanti në rrugën nacionale, kalim ky që ka sjellë edhe përplasjen e motorit me mjetin.

I aksidentuarit është nisur me urgjencë drejt spitalit rajonal të Korçës aty ku po merr edhe ndihmën mjekësore.

Burime pranë spitalit bëjnë me dije se i moshuari ndodhet në gjendje të rëndë, por jo në rrezik për jetën.

Drejtuesi i mjetit është shoqëruar në komisariatin e Korçës ku po pyetet për rrethanat e këtij aksidenti.