Një aksident është regjistruar mëngjesin e sotëm në Krujë, ku drejtuesi ka humbur kontrollin e mjetit e më pas ka dalë nga rruga. Sipas burimeve nga policia bëhet me dije se shkak i aksidentit është lagështira në rrugë, e cila ka shkaktuar vështirësi në manovrimin e mjetit. Si pasojë e përplasjes është lënduar shoferi dhe dy pasagjerët të cilët janë transportuar në spital për trajtim mjekësor. Nga bluzat e bardha, bëhet me dije se të lënduarit janë jashtë rrezikut për jetën.
