Katër fëmijë kanë mbetur të plagosur si pasojë e një aksidenti që ndodhi mbrëmjen e sotme në aksin Levan-Tepelenë. Aksidenti ka ndodhur në afërsi të vendit të quajtur “24 orarëshi” në Poçem. Gjithashtu janë plagosur edhe 3 persona të tjerë, në total 7 të plagosur.
Nga të dhënat e para mësohet se të plagosurit janë transportuar me urgjencë drejt spitalit të Fierit. Nga raportimet mësohet se një prej fëmijëve të plagosur, 2 vjeç, ndodhet në gjendje të rëndë dhe është futur direkt në sallën e operacionit.
Në askident janë përfshirë dy automjete. Policia ka nisur hetimet lidhur me ngjarjen.
Fier/Informacion paraprak
Rreth orës 19:50, në aksin rrugor “Levan-Tepelenë”, automjeti tip “Nisan” me drejtues shtetasin R. Sh., është përplasur me automjetin tip “Honday” me drejtues shtetasin S. C.
Si pasojë e përplasjes janë dëmtuar dy drejtuesit e mjeteve, 3 pasagjerët në mjetin “Nisan” (18 vjeç, 12 vjeç dhe 10 vjeç) si edhe 2 pasagjerë në automjetin tip “Honday” (9 vjeç dhe 2 vjeç), të cilët ndodhen në spital, në kujdesin e mjekëve, jashtë rrezikut për jetën.
Grupi hetimor po punon për përcaktimin e shkakut të aksidentit.
Discussion about this post