Një aksident ka ndodhur vetëm pak minuta më parë pranë qytetit të Lezhës. Një automjet tip Golf ka përplasur një këmbësor në lagjen “Gurra”.
Sipas informacioneve paraprake nga vendngjarja, shtetasi i dëmtuar sapo kishte dalë nga një market i zonës dhe po kalonte rrugën, kur është goditur nga automjeti. Dyshohet se drejtuesi i mjetit nuk e ka pikasur në kohë këmbësorin.
I plagosuri është transportuar menjëherë në spitalin e Lezhës për të marrë ndihmën e nevojshme mjekësore. Në vendngjarje ndodhen forcat e policisë dhe grupi hetimor, të cilët po punojnë për zbardhjen e plotë të rrethanave të aksidentit.
Discussion about this post