Aksident në Lezhë-Milot/ Makina përplaset me trajlerin, plagoset rëndë një polic (Emri)

Një aksident i rëndë ka ndodhur mesditën e sotme në aksin Lezhë-Milot, me pasojë plagosjen rëndë të një personi.

Një trajler ka perplasur makinën “Ford” që drejtohej nga efektivi i Policisë Rrugore, Gjergj Vasi.

Kanë qenë qytetarët ata që i kanë dhënë ndihmën e parë, pasi trupi i tij kishte ngecur brenda automjetit.

Qytetarë nga vendnggjarja rrëfejnë se ambulanca u vonua dhe efektivi ishte në gjendje kritike për jetën.

Njoftimi

Lezhë/Informacion paraprak

Rreth orës 15:30, në aksin rrugor “Lezhë-Milot”, kamioni me drejtues shtetasin boshnjak Nj. G. është përplasur me automjetin me drejtues shtetasin Gj. V., punonjës policie i DVP Lezhë, i cili sapo kishte përfunduar shërbimin.

Si pasojë e aksidentit është dëmtuar shtetasi Gj. V., i cili po dërgohet në spitalin e Traumës, Tiranë, për ndihmë mjekësore.

Me shtetasin Nj. G. po kryhen veprimet procedurale.

Grupi hetimor dhe opgj të AMP-së, në drejtimin e Prokurorisë, vijojnë punën në vendngjarje, për sqarimin e rrethanave të aksidentit.