Një aksident automobilistik është regjistruar pak momente më parë në aksin Korçë – Pogradec, në afërsi të fshatit Pocestë.
Sipas burimeve, dy automjete janë përplasur me njëra tjetrën, ndërsa të lënduara kanë mbetur dy vajza, police të Frontex. Ato po transportohen drejt spitalit të Korçës për ndihmë mjekësore, ndërsa ende nuk është bërë i ditur identiteti i tyre.
Vetëm në 24 orët e fundit, në vendin tonë janë regjistruar 7 aksidente rrugore, ku u regjistruan dhe dy viktima nga përplasja fatale në kryqëzimin e “21 Dhjetorit”. Në aksidente janë përfshirë edhe efektivë policie.
Shkak i këtyre aksidenteve kanë qenë kryesisht shpejtësia, alkooli, dhe mosrespektimi i rregullave të qarkullimit rrugor.
Discussion about this post