Aksident në Ostren, makina del nga rruga dhe përfundon në kanal, dy të plagosur

Një aksident ka ndodhur pasditen e sotme në Ostren, ku si pasojë kanë mbetur të plagosur dy persona. Mësohet se një mjet ka dalë nga rruga duke përfunduar në një përrua në rrugën që lidh Ostren-Lagjia Guri.

Siç raportohet aksidenti është pikasur nga banorët e zonës të cilët kanë njoftuar policinë dhe ambulancën ku dhe i kanë dërguar drejt spitalit të Bulqizës për ndihmë mjekësore.

Sipas mjekëve të këtij spitali njëri nga të aksidentuarit është dërguar drejt spitalit të Peshkopisë për një mjekim më të specializuar pasi kishte marrë plagë të rënda.

Gjithashtu, Policia ka nisur hetimet rreth shkaqeve të aksidentit.