Një aksident i rëndë është shënuar paraditen e kësaj të shtune në Pogradec, pranë fshatit Petrushë”, ku një makinë tip “Benz” ka dalë nga rruga.
Mësohet se si pasojë e aksidentit, 4 pasagjerët e mjetit janë lënduar lehtë, të cilët ndodhen në spitalin e Pogradecit. Sipas bluve, mes të plagosurve janë dhe dy fëmijë të mitur.
Ndërkaq policia po heton shkaqet e mundshme të aksidentit.
“Më datë 10.09.2022, rreth orës 10:45, në aksin rrugor Korçë-Pogradec, pranë fshatit Petrushë, shtetasi F. H., 32 vjeç, duke drejtuar mjetin tip “Benz”, dyshohet se ka humbur kontrollin e mjetit dhe ka dalë nga rruga.
Për pasojë kanë marrë dëmtime të lehta 4 pasagjerë në mjet, konkretisht shtetaset B. T. dhe I. R., si dhe dy fëmijë të mitur, të cilët aktualisht ndodhen në spitalin e Pogradecit.”-njofton policia.
Discussion about this post