Një 24-vjeçar ka mbetur i plagosur ditën e sotme pas një aksidenti në ambientet e portit të Durrësit.
Sipas informacioneve paraprake nga policia, shtetasi D. M., banues në Durrës, dyshohet se ka humbur kontrollin mbi motorin që drejtonte dhe ka rënë, duke u dëmtuar.
I riu është transportuar menjëherë në Spitalin e Traumës në Tiranë, ku po merr ndihmën e nevojshme mjekësore.
“Durrës/Informacione paraprake. Në ambientet e portit të Durrësit, shtetasi D. M., 24 vjeç, banues në Durrës, dyshohet se duke drejtuar motomjetin, ka humbur kontrollin dhe është rrëzuar dhe për pasojë është dëmtuar. Shtetasi D. M. është transportuar në Spitalin e Traumës dhe po merr ndihmën mjekësore. Grupi hetimor po punon për zbardhjen e rrethanave të aksidentit”, njoftoi policia.
Discussion about this post