Mungesa e kontrolleve policore në disa akse problematike ka shkaktuar sërish aksidente rrugore, e për pasojë trafik të rënduar. Aksidenti i radhës ka ndodhur në zonën e Llogarasë, ku dy mjete janë përplasur mes tyre, por nga informacionet paraprake thuhet se ka qenë pa pasoja fatale.
Megjithatë, aksidenti i ndodhur konkretisht në Qafën e Llogarasë ka shkaktuar radhë kilometrike në fundjavë, ku fluksi i automjeteve është më i lartë se në ditët e javës. Policia është nisur drejt vendit të ngjarjes, por gjasat janë që radhët mos të zhduken deri në orët e vona të natës.
Qytetarëve, të cilët kanë frekuentuar këtë aks rrugor, u është dashur të presin në trafik me orë të tëra, pasoje e cila vjen pikërisht nga mosrespektimi i rregullave të qarkullimit rrugor, por dhe mungesa e kontrolleve policore në zona problematike. Shërbimet policore janë të përqendruara më shumë në akse me shpejtësi të lartë sesa në rrugë të tilla, ku edhe incidentet më të vogla shkaktojnë kaos në trafik
