Aksident në “Rrugën e Arbrit”, plagosen dy persona

Një mjet tip fuoristradë ka dalë nga rruga dhe ka ngecur në murin anësor. Mjeti po udhëtonte drejt Tiranës përmes “Rrugës së Arbrit”, ndërsa ngjarja është shënuar  në fshatin Bastar i Mesëm të Bashkisë Tiranë.

Si pasojë e këtij aksidenti raportohet se janë plagosur dy persona, të cilët po udhëtonin me këtë automjet. Mësohet se ata janë dërguar në spital për të marrë ndihmë mjekësore, ku raportohet se janë jashtë rrezikut për jetën.

“Rruga e Arbrit” e përuruar në 28 nëntor të këtij viti mbetet ende e papërfunduar, ndërsa aksidenti është shënuar në Bypassin e  Murrizit, i cili cilësohet si një segment i rrezikshëm për shkak të kthesave të forta.