Një aksident rrugor ka ndodhur mesditën e sotme në Rrugën e Arbrit, në vendin e quajtur “Ura e Vocit”. Dy automjete u përplasën me njëra-tjetrën, duke sjellë plagosjen e një personi.
I lënduari u transportua menjëherë në spital për ndihmë mjekësore. Aktualisht, gjendja e tij shëndetësore mbetet e paqartë.
Policia po punon për sqarimin e rrethanave të aksidentit dhe për të përcaktuar shkakun e përplasjes.
Njoftimi i policise:
Aksident në Rrugën e Arbrit, Bulqizë
Një aksident automobilistik ka ndodhur në Rrugën e Arbrit, në dalje të qytetit të Bulqizës në drejtim të Dibrës. Dy automjete janë përplasur ballë për ballë, duke shkaktuar plagosjen e një personi.
I plagosuri është transportuar menjëherë në Spitalin e Bulqizës, ku ndodhet nën kujdesin e mjekëve.
Policia ka mbërritur në vendngjarje dhe po kryen veprimet hetimore për të zbardhur shkaqet e aksidentit. Ngjarja ka ndodhur në kryqëzimin që lidh qytetin e vjetër të Bulqizës me Rrugën e Arbrit, një segment i njohur për rrezikshmëri të lartë, ku më parë janë regjistruar edhe aksidente të tjera, disa prej tyre me pasoja fatale.
Discussion about this post