Aksident në Shkodër, përplaset nga automjeti, përfundon në spital drejtuesi i biçikletës

Një aksident është shënuar mëngjesin e ditës së sotme në aksin rrugor “Shirokë-Shkodër”, ku një automjet ka përplasur një shtetas që lëvizte me biçikletë. Për pasojë i dëmtuari, ndodhet në spital në kujdesin e mjekëve.

Njoftim:

Rreth orës 08:00, në aksin rrugor “Shirokë-Shkodër” shtetasja E. M., duke drejtuar automjetin  dyshohet se ka humbur kontrollin dhe për pasojë automjeti ka përplasur shtetasin S. Rr., i cili lëvizte me biçikletë.

Nga aksidenti është dëmtuar shtetasi S. Rr. i cili ndodhet në spital, në kujdesin e mjekëve.