Një aksident është regjistruar mëngjesin e kësaj të enjte në Shkodër, ku një 29-vjeçar ka përplasur me makinë një të moshuar. Ngjarja ka ndodhur rreth orës 08:40, në rrugën “Gjuhadol”.
Për pasojë i moshuari, rreth 70-vjeç, ka mbetur i plagosur dhe është transportuar me urgjencë në spital.
“Rreth orës 08:40, në rrugën ‘Gjuhadol’, automjeti me drejtues shtetasin 29 vjeç, ka aksidentuar një të moshuar, rreth 70 vjeç, i cili po lëvizte me biçikletë. I lënduari është dërguar në Spitalin Rajonal Shkodër dhe ndodhet jashtë rrezikut për jetën. Grupi hetimor po punon për sqarimin e rrethanave të aksidentit”, thuhet në njoftimin e policisë.
Discussion about this post