Aksident në Shkodër, plagoset rëndë një 18-vjeçar

Një aksident është regjistruar pak më parë në aksin rrugor Shkodër – Mes, në vendin e quajtur “Hot i Ri”.

Mësohet se shtetasi B. R. 18 vjeç, banues në fshatin Ura Shtrejt, duke drejtuar një motoçikletë, ka humbur kontrollin e drejtimit të motoçikletë, dhe për pasojë motoçikleta është përplasur me një shtyllë.

Si pasojë e përplasjes është dëmtuar drejtuesi i motoçikletës i cili ndodhet në Spitalin Rajonal Shkodër nën kujdesin e mjekëve.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.

Ndërkohë ky është aksidenti i tretë i raportuar brenda një afati kohor prej dy orësh. Gijotina.com raportoi pak më para dhe dy aksidente të tjerë që ndodhën në Korçë ku mbeti i lënduar një 12-vjeçar dhe në Sarandë ku mbeti e lënduar një pasagjere.