Një aksident është regjistruar mesditën e sotme në fshatin Golem të Shkodrës, ku një 17-vjeçar ka humbur jetën.
Një automjet me drejtues shtetasin A. M., 50 vjeç, dyshohet se është përplasur me një motomjet ku udhëtonin dy persona.
Si pasojë e përplasjes, 17-vjeçari ka ndërruar jetë, ndërsa 28-vjeçari me inicialet E. N. është plagosur dhe po merr ndihmë mjekësore në Spitalin Rajonal të Shkodrës.
Drejtuesi i automjetit është shoqëruar në ambientet e Policisë, ndërsa grupi hetimor po punon për zbardhjen e rrethanave dhe përcaktimin e shkaqeve të aksidentit.
Discussion about this post