Aksident në Thumanë, humb jetën i riu

Një këmbësor 36-vjeçar ka humbur jetën mbrëmjen e kësaj të hënë në fshatin Thumanë të Krujës, pasi është përplasur nga një automjet.

Blutë njoftojnë se drejtuesi i automjetit, i identifikuar me inicialet D. S., rreth 32 vjeç, është shoqëruar në komisarit.

Policia tha aksidenti ndodhi në fshatin Thumanë, ku automjeti me drejtues shtetasin D. S., rreth 32 vjeç, ka aksidentuar këmbësorin shtetasin G. Gj., rreth 36 vjeç, i cili për pasojë ka humbur jetën.

“Rreth orës 19:15, në fshatin Thumanë, Krujë, automjeti me drejtues shtetasin D. S., rreth 32 vjeç, ka aksidentuar këmbësorin shtetasin G. Gj., rreth 36 vjeç, i cili për pasojë ka humbur jetën. Drejtuesi i automjetit po shoqërohet për në Komisariat, për veprime të metejshme procedurale”, njoftoi policia.

Ky është aksidenti i katërt me pasojë vdekjen i shënuar këtë të hënë në rrugët e vendit.