Një aksident ka ndodhur mbrëmjen e sotme në zonën e “Don Boskos”, në Tiranë, ku një makinë është përplasur me një motor.
Si pasojë nga përplasja është plagosur shoferi i motorit i cili ndodhet në spital nën kujdesin e mjekëve. Fillimisht ai qëndroi i shtrirë në tokë, ndërsa pranë ishin mbledhur edhe qytetarë të ndryshëm, të cilët janë ndodhur në rrugë, kur ka ndodhur ngjarja.
“Më datë 22.10.2021, rreth orës 21:15, tek kryqëzimi i Don Boskos, mjeti me drejtues shtetasin B. B, ka aksidentuar motomjetin me drejtues shtetasin I. S, rreth 50 vjeç. Si pasojë është dëmtuar drejtuesi i motomjetit i cili ndodhet në spital, nën kujdesin e mjekëve”, thotë policia.
Grupi hetimor vijon punën për sqarimin e rrethanave të aksidentit.
