Aksident në Vlorë, drejtuesja me “Benz” përplas këmbësorin 62-vjeçar

Një aksident ka ndodhur këtë të diel në lagjen “Partizani” në Vlorë. Mësohet se një 27-vjeçare, drejtuese e një Benzi ka përplasur një këmbësor, 62-vjeçar. Ky i fundit është dërguar menjëherë në spitalin e Vlorës, ku dhe ndodhet në kujdesin e mjekëve.

Njoftimi i Policisë:

Rreth orës 09:30, në lagjen “Partizani” një automjet tip “Benz”, me drejtues shtetasen E. Ll., 27 vjeçe, ka aksidentuar këmbësorin me iniciale P. M., 62 vjeç, i cili aktualisht ndodhet në spitalin e Vlorës, nën kujdesin e mjekëve.

Në vendngjarje ndodhet grupi hetimor dhe po punon për zbardhjen e plotë të ngjarjes.