Një aksident rrugor ka ndodhur në Kotë të Vlorës. Një makinë ka humbur kontrollin dhe është përplasur me automjetin e policisë bashkiake të qytetit, i cili ishte ndaluar në anë të rrugës për shkak të një defekti teknik.
Si pasojë e kësaj ngjarje janë lënduar dy punonjësit e policisë, të cilët ndodheshin brenda automjetit. Sipas burimeve paraprake, mësohet se aksidenti ka ndodhur rreth orës 12:45.
Të plagosurit janë dërguar menjëherë drejt ambienteve të spitalit, për të marrë ndihmën e specializuar mjeksore. Bëhet me dije se dy punonjësit e policisë bashkiake ndodhen jashtë rrezikut për jetën.
Discussion about this post