Një aksident i rëndë trafiku ka ndodhur mëngjesin e së dielës. Autoritetet gjetën tre persona pa jetë, ndërsa raportimet thonë se dhjetëra persona të tjerë u plagosën.
Ngjarja e rëndë ndodhi në kilometrin 521 të rrugës kombëtare Athinë-Selanik, në dalje për në Evzones.
Sipas informacioneve të para, në aksident është përfshirë një autobus i cili është përplasur me dy automjete. Autobusi kishte 78 pasagjerë, një makinë kishte 4 persona dhe tjetra po ashtu 4. Autobusi dhe njëra nga makinat ranë në një kanal ku nuk kishte ujë.
Në vendngjarje ndodhet tashmë policia dhe zjarrfikësja me 18 zjarrfikës dhe 6 automjete.
Përfaqësuesi për shtyp i Zjarrfikësve, Giannis Artopioos tha për Mega se ngjarja është në vazhdim.
Discussion about this post