Një aksident i rëndë ka ndodhur në Itali. Mësohet se një trembëdhjetë vjeçar vdiq dhe tre persona të tjerë u plagosën rëndë pas një aksidenti rrugor Salerno. Në momentin që mjeti doli nga rruga adoleshenti ka tentuar të hidhej nga makina për të shpëtuar, por ka gjetur vdekjen e menjëhershme.
Ndërsa, gruaja që ishte në timon, një djalë 16-vjeçar dhe një djalë 7-vjeçar kanë mbetur të plagosur rëndë. Një tjetër person në automjet ka mbetur i plagosur lehtë.
Makina, ndërsa po shkonte drejt veriut, është përplasur fillimisht me bordurat anësore të rrugës, dhe më pas është përmbysur. Në aksident nuk ka pasur automjete të tjera të përfshira
Tre të plagosurit më rëndë janë shtruar në kushte kritike mes spitaleve “Fucito” në Mercato San Severino dhe “Ruggi” në Salerno.
Discussion about this post