Aksident tragjik në aksin Tepelenë-Përmet, humb jetën 30- vjeçari, plagoset një tjetër

Një tjetër aksident tragjik është shënuar pasditen e sotme në aksin rrugor Tepelenë-Përmet. Policia bën me dije se në afërsi të fshatit “Varibop”, automjeti tip “Benz”, me shoferin e identifikuar me iniciale Sh. Ç., 30 vjeç, banues në fshatin Seniçan, Përmet, ka dalë nga rruga, e për pasojë drejtuesi i mjetit ka ndërruar jetë.

Të njejtat burime gjithashtu bëjnë me dije se është plagosur edhe personi i identifikuar me iniciale A. Ç., 22 vjeç, banues në fshatin Seniçan, Përmet, i cili është transportuar në spitalin Rajonal Gjirokastër për të marrë ndihmën mjekësore.

Paraprakisht dyshohet se shkak i këtij aksidenti është bërë shpejtësia përtej normave të lejuara ndërsa policia nuk ka qenë në patrullim.

Në vendngjarje ndodhet grupi hetimor dhe po punon për zbardhjen e shkaqeve të aksidentit.

Gijotina.com raporton se bilanci i aksidenteve rrugore vijon të rritet.