Një aksident i rëndë rrugor ka ndodhur sot rreth orës 14:20, në rrugën e Borshit, duke marrë jetën e dy personave dhe duke plagosur dy të tjerë. Ngjarja ka përfshirë një automjet tip “Benz” dhe një furgon.
Policia ka konfirmuar se si pasojë e përplasjes, kanë humbur jetën në vendngjarje drejtuesi i furgonit, shtetasi K. M., rreth 60 vjeç, si dhe një pasagjere në të njëjtin mjet, e cila dyshohet të jetë bashkëshortja e tij. Identifikimi i saj është ende në proces.
Gjithashtu, dy shtetasit që ndodheshin në automjetin tip “Benz”, konkretisht drejtuesi i mjetit, shtetasi M. Q., dhe pasagjeri, shtetasi P. A., kanë mbetur të dëmtuar dhe po transportohen me urgjencë në spital për të marrë ndihmë mjekësore.
Në vendngjarje ndodhet grupi hetimor, i cili po punon intensivisht për sqarimin e plotë të rrethanave dhe shkaqeve të këtij aksidenti tragjik, mbyllet njoftimi i bluve.
Discussion about this post