Një aksident rrugor është shënuar sot rreth mesditës, në fshatin Kamenicë, në bashkinë Divjakë, ku përplasja mes një automjeti dhe një motomjeti ka rezultuar fatale për një të mitur.
Sipas informacioneve zyrtare të konfirmuara nga Policia e Shtetit, ngjarja ka ndodhur rreth orës 12:30, kur një automjet me drejtues shtetasin R. Ç. është përplasur me një motomjet që drejtohej nga një 15-vjeçar. Si pasojë e përplasjes së fortë, adoleshenti ka ndërruar jetë në vendin e ngjarjes, për shkak të plagëve që ka pësuar.
Trupi i viktimës është transportuar në morg për ekzaminimet e mëtejshme mjeko-ligjore.
Ndërkohë, drejtuesi i automjetit është shoqëruar në ambientet e Komisariatit të Policisë për t’u marrë në pyetje, në kuadër të procedurave hetimore. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit dhe përcaktimin e përgjegjësive ligjore, njoftoi policia.
Discussion about this post