Një aksident me një viktimë është shënuar ditën e sotme në fshatin Këmishtaj, në Divjakë. Një 29-vjeçar ka përplasur një motomjet, drejtuesi i të cilit ka ndërruar jetë si pasojë e plagëve të marra. Viktima është identifikuar si K. Xh., 29 vjeç, ndërsa personi që ka shkaktuar aksidentin mësohet se është A. D., 29 vjeç, banues në Divjakë, i cili po drejtonte një automjet tip “Audi”. Grupi hetimor po punon për zbardhjen e plotë të rrethanave të aksidentit.
“Sot rreth orës 11:00, në fshatin Këmishtaj, shtetasi A. D., 29 vjeç, banues në Divjakë, duke drejtuar automjetin tip “Audi” është përplasur me motomjetin tip “Yamaha” me drejtues shtetasin, dhe për pasojë ka ndërruar jetë drejtuesi i motomjetit”, thuhet në njoftim.
Discussion about this post