Një aksident automobilistik ka rezultuar tragjik për jetën e një të riu shqiptar, në Greqi. Pak pas mesnate në një rrugë provinicale mes Meliki – Vergina, mësohet se makina me të cilën i riu po udhëtonte ka devijuar dhe është përplasur, duke përfunduar e shkatërruar plotësisht.
Shkak për këtë aksident tragjik raportohet se është bërë shpejtësia, me të cilën po udhëtonte i riu shqiptar. Ndërkohë të plagosur rëndë kanë mbetur dhe dy persona të tjerë. Në vendngjarje mbërritën forcat e policisë dhe zjarrfikëses së Verisë, si dhe dy autoambulanca, por sërish i riu nuk mundi t’iu mbijetonte plagëve të marra.
Discussion about this post