Një shtetas shqiptar ka humbur jetën në një aksident tragjik në Itali.
Mediat raportojnë se aksidenti ka ndodhur të dielën e 21 janarit, në orën 03:30, përgjatë rrugës Pontebbana pranë urës mbi Meduna në Zoppola, në provincën e Pordenones.
Në aksidentin fatal janë përfshirë dy makina: një Mercedes Class A, me dy italianë banues në provincën e Trevisos në bord dhe një Fiat Grande Punto në të cilën udhëtonin dy shtetas shqiptarë me banim në zonën e Pordenones.
Nga informacionet e para, mësohet mjeti i italianëve ka dalë nga korsia ku po lëvizte dhe është përplasur përballë me makinën e shqiptarëve që po udhëtonte drejt Pordenones.
Shoferi shqiptar i mjetit “Fiat” u transportua në spitalin Santa Maria degli Angeli në Pordenone, ku vdiq pak më pas.
Me ambulancë u transferuan edhe drejtuesi i Mercedesit dhe pasagjeri tjetër shqiptar.
Ndërkohë që pasagjeri i mjetit “Mercedes” u transportua me helikopter në spitalin Santa Maria della Misericordia në Udine dhe është në gjendje më të rëndë.
Të dyja makinat janë sekuestruar për hetime të mëtejshme.
Discussion about this post