Një ngjarje e rëndë ka ndodhur mbrëmë në rrugën Gjilan – Prishtinë, ku një makinë ka rënë në Liqenin e Badovcit dhe si pasojë tre persona kanë humbur jetën.
Tre të rinjtë që humbën jetën nga ky aksident tragjik janë Rifat Pacolli, Ardit Gashi dhe Shpat – mbiemri i të cilit akoma nuk është konfirmuar pasi nuk janë gjetur dokumente identifikuese.
Aksidenti ka ndodhur pasi vetura me të cilën udhëtonin tashmë viktimat, ka rënë në Liqenin e Badovcit.
Vdekjen e viktimave e ka konstatuar ekipi mjekësor në vendin e ngjarjes, tha zëdhënësja e policisë Flora Ahmeti.
“Mbrëmë rreth orës 23:00 kemi pranuar informatën se në rrugën Gjilan – Prishtinë, ka ndodhur një aksident trafiku me pasoja fatale. Në këtë aksident, ka qenë i përfshirë, një automjet në lëvizje. Si pasojë e aksidentit kanë mbetur të vdekur tre persona. Vdekjen e viktimave e ka konstatuar ekipi mjekësor në vendngjarje. Aktualisht policia ka nisë një hetim për zbardhjen e rrethanave që kanë quar deri te ky aksident trafiku”, tha Ahmeti.
Shefi i Brigadës së Zjarrfikësve në Prishtinë, Malë Gashi ka dhënë detaje rreth kësaj ngjarje tragjike.
Gashi bëri të ditur se pas arritjes së ekipeve të FSK është gjetur vetura dhe trupat e pa jetë.
“Kanë arritur ekipet e FSK me ekipin e zhytjes kanë filluar kërkimin dhe është gjetur vetura dhe trupat e pa jetë. FSK ka tërhequr dy trupa të pa jetë dhe ua kanë dorëzuar shërbimeve mjekësore dhe IML. Pas tërheqjes së veturës kemi parë se në të ishte edhe në person i pa jetë”, ka thënë ai.
Discussion about this post