Një aksident tragjik është shënuar pak minuta më parë në rrugën nacionale Lushnjë- Berat në dalje të Karbunarës. Nga të dhënat paraprake mësohet se një mjet tip fugon me shofer A. Z., ka aksidentuar një këmbësore, rreth 70 vjeçe, e cila ka ndërruar jetë. Sipas burimeve kjo e fundit po kalonte nga një anë e rrugës në tjetrën.
Është shoqëruar drejtuesi i automjetit dhe po kryen veprimet procedurale e hetimore për zbardhjen e rrethanave të ngjarjes dhe identifikimin e viktimës.
Deri tani nuk është bërë ende identifikimi i viktimës. Ndërsa theksojmë se ky aks është tepër i rrezikshëm pasi fermerët do të duhet të kalojnë rrugën për të shkuar të tokat.
