Aksident tragjik, vdes pasagjeri 20 vjeç

Një person rreth 20 vjeç ka vdekur si pasojë e një vetaksidenti në Prizren, mëngjesin e sotëm. Policia tha se shoferi i makinës,  duke mos e përshtatur shpejtësinë me kushtet e rrugës ka rënë nga ura, duke vdekur pasagjeri e shoferi ka pësuar lëndime të lehta trupore.

Këto informacione i dha për Gazetën Express Shaqir Bytyqi, zëdhënës i policisë në Prizren.

“Në mëngjes në orën 04:55 ka ndodhur një aksident, është vetaksident, aksidenti ka ardhur për shkak se shoferi nuk e ka përshtatur shpejtësinë me kushtet e rrugës, me një kthesë ka dalë jashtë rrugës dhe ka rënë nga ura. Si pasojë e aksidentit, shoferi ka marrë lëndime të lehta e pasagjeri ka ndërruar jetë”, tha Bytyqi për Express.

Ai tha se viktima është rreth 20-vjeç.