Dy aksidente me vdekje janë shënuar mëngjesin e kësaj të shtune në Durrës dhe Librazhd, ku kanë humbur jetën dy të rinj.
Në ish-kenetë të Durrësit, 22-vjeçari Denis Hoxha duke drejtuar një makine me targa angleze ka humbur kontrollin duke u perplasur me një trajler të parkuar. Përplasja ka qenë fatale për të riun, i cili nuk mundi të mbijetojë.
“Në orët e para të mëngjesit, në lagjen nr. 17 Durrës, në rrugën “Vllazërimi”, shtetasi Denis Hoxha, 22 vjec, ka humbur kontrollin e drejtimit të automjetit, duke u përplasur me një trajler të parkuar. Si pasojë shtetasi Denis Hoxha ka humbur jetën në vendngjarje. Grupi hetimor po punon për sqarimin e plote te rrethanave të aksidentit“, njoftoi policia lokale.
Ndërsa në aksin nacional ‘Librazhd-Prrenjas’, furgoni që drejtohej nga 31-vjeçari Eugen Meka u përplas me një kamionin në lëvizje. Si pasojë e përplasjes, Meka humbi jetën.
“Në aksin rrugor “Librazhd-Prrenjas”, automjeti me drejtues shtetasin Eugen Meka, 31 vjeç, banues në Korçë, është përplasur me kamionin me drejtues shtetasin Y. Z., 30 vjeç. Si pasojë e aksidentit ka humbur jetën në vendngjarje shtetasi E. M., dhe është dëmtuar pasagjeri që udhëtonte me të, i cili është në kujdesin e mjekëve“, njoftoi policia.
Drejtuesi i kamionit, shtetasi H.Z. është shoqëruar në polici për kryerjen e veprimeve procedurale, ndërsa grupi hetimor vijon punën për zbardhjen e rrethanave dhe shkakut të aksidentit, shtuan të njëjtat burime.
Discussion about this post