Një person ka ndërruar jetë mëngjesin e sotëm në aksin rrugor Divjakë-Pushimi i shoferit pasi makina me të cilën udhëtonte ka rënë në kanal. 44-vjeçari me iniciale A.Q ka humbur jetën pasi mbeti i bllokuar në mjetin që përfundoi jashtë rrugës.
Një aksident tjetër u shënua pak më herët në aksin Elbasan- Librazhd, ku për pasojë mbeti i lënduar drejtuesi i automjetit.
Ngjarja ndodhi në fshatin Labinot Fushë rreth orës 07:45, ku shkak për aksidentin janë bërë reshjet e shiut dhe shpejtësia e lartë.
Mësohet se drejtuesi i automjetit ka marrë plagë të lehta dhe është jashtë rrezikut për jetën. Pavarësisht kontrolleve të policisë, ditët e fundit janë rritur shifrat e aksidenteve në vendin tonë, duke shtuar dhe numrin e viktimave si pasojë e shpejtësisë së lartë.
