Aksidentet rrugore po shënojnë një bilanc shqetësues, kjo për shkak se Policia Rrugore nuk ka kryer kontrollet në kohën e duhur, duke sjellë pasojë rritjen e fataliteteve dhe plagosjeve.
Manovrat e shpejtësisë nga ana e shoferëve, së fundmi po shkaktojnë me dhjetëra qytetarë e këmbësorë të plagosur, ndërsa policia nuk ak qenë në patrullim për t’i ndëshkuar ata dhe për të parandaluar ngjarjen.
Sot u rrezikua jeta e një familjeje me tre pjesëtarë, pasi një person problematik ishte nën efektin e lëndëve narkotike.
Çifti Vilma dhe Arjan Konomi së bashku me foshnjën e tyre, kanë respektuar kodin rrugor duke kaluar në semafor me sinjal jeshil dhe në vijat e bardha, në “Rrugën e Kavajës”.
Ata përplasen në vetëm pak sekonda nga një makinë “G CLASS”. Aksidenti ka tronditur të gjithë qytetarët pasi, dy prindërit e foshnjës 3 muajshe ndodhen në gjendje të rëndë për jetën, ndërsa foshnja shpëtoi mrekullisht pas veprimit heroik që bëri nëna, duke e shtyrë me shpejtësi karrocën e fëmijës.
Duhet që në vend të ndodhin aksidente të tilla që policia të “çohet” ë këmbë e të kryejë detyrën. Mbrëmjen e sotme Drejtori i Përgjithshëm, nëpërmjet një telegrami urgjent për strukturat, ka kërkuar që drejtuesit e strukturave Policore të jenë në krye të shërbimeve, për ti organizuar dhe orientuar, që të fokusohen në ato shkelje që janë burim potencial për përfshirje në ngjarje rrugore.
Gjithashtu, Drejtor Nano, ka urdhëruar ngritjen e një grupi inspektimi nga Departamenti i Sigurisë Publike për të kontrolluar, analizuar dhe evidentuar mangësitë, si dhe për të marrë masa konkrete ndëshkimore, për personat përgjegjës për aksidentet e ndodhura, apo për rezultate të dobëta në punë
Discussion about this post