Në vetëm pak orë, sot u shënuan 2 viktima, si pasojë e aksidenteve, mes të cilëve edhe një 21- vjeçar. Një tjetër aksident u shënua edhe gjatë orëve të para të mëngjesit në Lezhë.
Në aksin Elbasan-Librazhd, makina e drejtuar nga një 21-vjeçar doli nga rruga.
Fatkeqësisht nga aksidenti humbi jetën i riu Rei Palloshi, i cili po drejtonte mjetin.
Siç duket edhe nga pamjet e siguruara nga gijotina.com makina është përplasur me bordurën mbrojtëse dhe ka bërë disa rrotullime.
Një tjetër aksident u shënua paraditen e sotme në Kavajë, ku viktimë mbeti Sulejman Goseni. 66 vjeçari u përplas nga një mjet i cili drejtohej nga Reis Hasa në autostradë.
Ndërkohë mbrëmjen e së hënës në Torovicë të Lezhës viktimë e aksidentit mbeti një i moshuar i identifikuar si Ndue Sokoli.26 vjeçari Mark Doshi duke drejtuar automjetin tip “Benz”, ka përplasur 71 vjeçarin Ndue Sokoli, këmbësor, i cili për pasojë ka ndërruar jetë.
Pas aksidentit, i riu ka braktisur mjetin dhe është larguar nga vendngjarja, ndërsa u arrestua pak orë pasi ai përplasi për vdekje 71 vjeçarin.
Discussion about this post