Dy vajza dërgohen në spital pas përplasjes së makinave në rrugën Elbasan-Përrenjas

Një aksident i rëndë rrugor është regjistruar pasditen e sotme në aksin nacional Elbasan–Përrenjas, ku dy automjete janë përplasur me njëra-tjetrën, duke shkaktuar plagosjen e dy vajzave.

Sipas informacioneve paraprake, të dëmtuarat udhëtonin në njërin prej mjeteve të përfshira në aksident dhe janë transportuar me urgjencë drejt spitalit për të marrë ndihmë mjekësore të specializuar. Ende nuk dihet gjendja e tyre shëndetësore.

Përplasja ka shkaktuar gjithashtu trafik të rënduar në këtë aks rrugor, ndërsa qarkullimi i automjeteve ka qenë i bllokuar për afro 40 minuta, duke krijuar radhë të gjata automjetesh.

Menjëherë pas ngjarjes në vendngjarje kanë mbërritur forcat e policisë dhe grupi hetimor, të cilët po punojnë për të zbardhur shkaqet dhe rrethanat e plota të aksidentit.

gijotina.com/

Etiketa: aksidenti ne Elbasan-Përrenjas Kryesore1