Një aksident rrugor është regjistruar pasditen e së dielës në dalje të qytetit të Tepelenës, ku si pasojë e përplasjes së dy automjeteve kanë mbetur të plagosur tre persona.
Sipas informacionit paraprak, në aksident janë përfshirë dy mjete, ndërsa të lënduar kanë mbetur drejtuesit e të dy automjeteve dhe një pasagjer. Të plagosurit janë transportuar në spital për të marrë ndihmën e nevojshme mjekësore.
Në vendngjarje kanë mbërritur shërbimet e Policisë, të cilat kanë nisur veprimet për dokumentimin e rrethanave të aksidentit dhe përcaktimin e shkaqeve që çuan në përplasjen e mjeteve.
Ky është aksidenti i dytë i regjistruar gjatë ditës në qarkun e Gjirokastrës. Më herët, në kthesën e Viroit, në aksin Gjirokastër–Tepelenë, një motoçikletë u përplas me një kamion. Si pasojë e përplasjes, drejtuesi i motoçikletës pësoi dëmtime të rënda, duke humbur gjymtyrën e poshtme të majtë. Në vendngjarje ndërhynë fillimisht kalimtarë të rastit, të cilët i dhanë ndihmën e parë deri në mbërritjen e shërbimeve emergjente.
gijotina.com/
Discussion about this post